Eurotimarnir.blogspot.is !!!! Frábær Íslensk Eurovision síða !!

Ég datt niður á íslenska Eurovision netsíðu.

Þetta er frábær síða sem fylgist vel með öllu sem gerist í Eurovision heiminum. Eurovision-síðan hjá RÚV er alveg steindauð og ekkert um að vera þar.

eurotimarnir.blogspot.is  er málið í dag fyrir alla sem hafa gaman af að fylgjast með Eurovision frá upphafi í hverju landi og allt til enda.

Ögmundur Jónasson eini þingmaðurinn sem stendur með Íslensku þjóðinni !

Oft hef ég efast um ágæti Ögmunds Jónassonar í gegnum tíðina, en nú efast ég ekki “tommu”.

Nú stimplar hann sig sem alvöru félagshyggju- og réttlætismann, og á þannig mönnum þurfum við að halda, hvort sem það er kreppa eða góðæri.

http://www.ogmundur.is/annad/nr/5072/

Lesið þetta. Þetta er eins og 80% ef ekki meira af þjóðinni finnst um þessa drulluhala sem skulda tugi og hundruði milljarða, en telja sig eiga hlut í hinu og þessu skuldlaust.

Þetta er bara ógeðslegt og ekkert meira um það að segja.

Heyr, heyr Ögmundur, loksins sprakk þingmaður á limminu og var ofboðið svo ekki sé meir sagt. Vonandi springa þeir fleiri sem allra fyst.

Kyndilberar almúgans !!

Mér hefur lengi fundist Kristinn Hrafnsson hjá RÚV vera eini alvöru rannsóknarfréttamaður Íslands. Hann hefur fylgt eftir málum sem hafa leitt til ótrúlegrar niðurstöðu og upplýst margt sem öllum hefur yfirsést. Hann virðist vera trúr sinni samvisku, er fylginn sér, gefur öllum aðilum færi á að tjá sig um málin, sem er mjög mikilvægt, svo fólk geti tekið afstöðu til ólíkra mála. Frábær fréttamaður þar á ferð.

Vilhjálmur Bjarnason virðist vera eini fjármálamaðurinn með hreina samvisku. Hann hefur kjark og þor til að gagnrýna allt sem miður fer í fjármálageiranum, enda held ég að mjög margir í þeim geira séu skíthræddir við hann og vilji honum ekki allt það besta. Hann veit sínu viti í fjármálageiranum og allt sem hann hefur sagt hefur gengið eftir og allt á sínar skítugu skýringar að hans mati. Vilhjálmur Bjarnason er í dag rödd íslensku þjóðarinar, það er bara svo einfalt. Hann rekur drulluslóðina eftir Björgúlfs-feðga, og annara sem titluðu sig sem fjármálaspekúlanta á íslandi en voru og eru ekkert annað en rugludallar án samvisku. http://dagskra.ruv.is/ras2/4482294/2010/02/10/

Horfið á þetta !! Hver á að borga “Icesave”, “essasú ?? nei !!!!

http://www.visir.is/article/20100204/FRETTIR01/716626797

Þorrablót Svarfdæla 2010 !!

Þorrablót Svarfdæla var haldið 30.jan. s.l. með glæsibrag.  Þetta er skemmtilegasta stund ársins án allra undantekninga.  Þarna koma saman allir Svarfdælingar fyrr og síðar, sem mögulega geta komið, og nokkrir gestir að auki. 300 manns fylla salinn og þetta er bara æðislegt. Marga hittir maður bara á Þorrablótinu og lítið þess á milli.

Það er svo ótrúlega gaman þegar allir sveitungar koma saman og skemmta sér, næst á eftir þorrablótinu mundi ég segja að væri jólahlaðborð Búnaðarfélagsins. Þá koma nánast allir “lögbýlingar” í Svarfaðardal, og það finnst mér alveg ómetanlegt, að ná að koma sem flestum saman og skemmta sér eina kvöldstund á ári.

En Þorrablótið var frábært, Hljómsveit Friðjóns spilaði og var alveg hreint mögnuð, Bóas keyrði okkur framdælingum og stóð eins og klettur að koma okkur heim, og rúnta með suma aðeins að auki, allt fullkomið.!!

Takk fyrir frábært kvöld þorrablótsnefnd og allir Svarfdælingar. Sjáumst á næsta Þorra.!

Greiðsluvandi leysir allan vanda !

Mér er sagt að þeir sem fara til Bankana í dag, og eru í skilum með öll sín lán og hvergi á svörtum lista, þá séu þeir sömu reknir út með þeim orðum að fyrst þeir standi í skilum þá geti Bankinn ekkert gert fyrir þá. Samt eru lán þeirra búin að hækka jafn mikið og þeirra sem eru komnir í greiðsluvanda og sjá ekki upp fyrir reikningabunka bankanna.

Jóhanna vaknaði öllum að óvörum í dag af fimmtán mánaða svefni sínum og boðar aðgerðir fyrir þá sem eru að missa húsina sína og aleigu á næstu dögum. Þessi ofurrómaða “skjaldborg” um heimili og fyrirtæki landsins, var óvart það síðasta sem stóð á hennar blaðið. Fyrst þurfti að bjarga þeim sem áttu peninga, reyna að halda uppi verðmæti hlutabréfa fjárfesta, og bjarga öllu öðru en heimilum og fyrirtækjum landsins, það yrði að bíða betri tíma.

Nú þegar eru þúsundir heimila  farin í þrot og treysta á matargjafir og hjálp frá þessum ótrúlegu félagasamtökum og líknarfélögum sem eru starfandi hér á landi með sjálfboðaliðum í fararbroddi, sem ættu án undanteknigar öll vera búin að fá stórriddarakrossinn hans Ólafs Ragnars um hálsinn fyrir löngu síðan, og fyrirtækin eru litlu færri sem hafa orðið gjaldþrota og þetta er bara rétt að byrja, því miður.

Þessi andfæluvöknun Jóhönnu bjargar ekki þeim sem misst hafa allt nú þegar. Það er unnið alla daga við björgun á einhverju fyrirbæri sem kallast Icesave, sem eru skuldir örfárra íslendinga sem ráku einkafyrirtæki í nokkrum löndum um svikamyllu sem fór í þrot eins og þúsundir fyrirtækja hafa gert undanfarna fimmtán mánuði.

Munurinn á þessu fyrirtæki og öllum hinum þúsundum er sá, að ríkið ætlar að borga upp gjaldþrot eins fyrirtækis, en allir hinir meiga eiga sig, skítt með þá.  Á meðan að ríkið borgar Icesave-skuldirnar, þá ætla þeir sem stofnuðu til þeirra að lifa á öllum peningunum sem þeir gátu stolið undan og eru flestir í Bretlandi, sem er ógeðslegast í garð Íslendinga hvað varðar þetta mál.

Því sækja Bretar ekki bara þessa gæja, það eru hæg heimatökin, þeir búa flestir í Bretlandi og rukka þá fyrir þeim skuldum sem þeir stofnuðu til , því þeir eiga miklu meira en nóg fyrir þessum útgjöldum, og í staðin láta þeir okkur í friði.

Ekki mundi maður kvarta ef ég gæti tekið hverja einustu handbæra krónu út úr rekstrinum og plantað mér á góðann stað vitandi það að Íslenska ríkið mundi borga upp það sem ógreitt væri og málið dautt.´

En niðurstaðan í dag er sú að ef þú asnast til að borga allt og standa í skilum, þá verður þú látinn gera það eins og lengi og þú getur, og þegar kemur að því að þú ræður ekki lengur við neitt, þá kemur Jóhanna, nývöknuð, og bjargar þér fyrir næsta horn ekki aldrei lengra í einu.

Er þá ekki bara betra að hætta að borga strax og lifa lífinu fyrir peningana á meðan maður getur og láta svo Jóhönnu um rest þega að því kemur.

Ég spyr ??

Eurovision 2010 !

Ég er einn af þessum forföllnu Eurovision-sjúklingum, og það er eini sjúkleiki minn sem ég mun aldrei skammast mín fyrir. Á þessum tíma fara fram forkeppnir um allan heim, og þegar “Framdalurinn” er kominn í samband við umheiminn, þá getur maður leift sér þann munað að horfa á útsendingar ríkissjónvarpsstöðva um allan heim án þess að myndin stoppi í topp-gæðum. Þetta er fyrir mér himnasending því undankeppnir allra landa sem keppa í Eurovision eru gjaldfrjálsar og aðgengilegar öllum á netinu. Þetta er bara æðisleg veisla fyrir mig. Ég vaki mikið um kvöld og nætur, við að skrifa, og hrifningin ekki mikil frá æðstavaldi fyrir vikið.  Stundum er skrifað til tvö, stundum til fjögur ef allar gáttir opnast, þá er morgunfjósið þungt og mikill drungi sem fylgir eftir mikið haus-álag…!!!! Það versta er að Eurovision pælingarnar lenda á sama tíma þegar sem flestir eru að óska eftir ánnálum, kvæðabálkum, söngtextum, tækifærisvísum, og öllu mögulegu, þó svo að það sé nokkuð jafnt yfir árið, þá hafa janúar, febrúar, mars og fram í apríl yfirleitt vinninginn.

En Eurovision verður það heillin, og þannig verður það hjá mér. Ég er ekkert fróður um sögu Eurovision en ég fylgist með og hef skoðun á öllu frá ári til árs.

Amen í bili.

Var að lesa viðtal við “Arzebaijan-eurovision” lovers nr.1″”

Þetta viðtal var að vísu þýtt yfir á ensku, annars hefði ég ekki skilið það !!.  Ég bara elska hans viðhorf, og ég veit að aðrir, og mjög margir gera það líka !!!!

Svar hans var á þessa leið :

Ég elska Íslenska lagið vegna þess að það höfðar svo vel til samtímans, hvort um er að ræða ástarsamband, fjárhagskreppuna, eða bara lífið sjálft.  All þetta gengur upp þegar maður hlustar á “Is it true”  En flutningurinn er allt annað dæmi.   Jóhanna er svo “guðdómleg” á sviði að það er bara ekki hægt að snerta hana, hún er svo ótrúlega flott og heillandi að allir gráta bara þegar hún er búin á sviði……hver getur betur ?????( er spurt)))))))

takk fyrir spjallið

Eurovision “silfur” !! Verður sama móttaka og Handboltaliðið fékk fyrir sitt “silfur”.?????????

Jóhanna Guðrún náði öðru sæti í Eurovision, “silfur-verðlaun”,  það er flottara heiti. Handboltalandsliðið vann til “silfur-verðlauna” líka,    á olimpiuleikunum í fyrra. Er þetta ekki eitthvað svipað, eða hvað.  Evrópa er með augun á Jóhönnu og öllu sem henni fylgir næstu daga á eftir.  það skiptir því sköpum fyrir hana, hvernig við tökum á móti henni og hvernig þjóðin metur hennar framtak  að verðleikum…!!!!!

Jóhanna var ekki ein. Bakraddir hennar voru útlærðir “söng-skrattar” Friðrik Ómar (frændi) Erna Hrönn (mitt uppáhald) og Hera Björk (sem hefur lífgað mikið uppá heimilishaldið hér með einni heimsókn), allt frábærar manneskjur og hafa fengið óendanlegt lof erlendra útsetjara og upptökustjóra.

Annað sætið var bara bara glæsilegt fyrir land og þjóð. Hér er allt í niðurníðslu eftir afætur landsins, sem hafa örugglega skemmt sér í sínum milljarða Eurovision-partýi á Tortola eða hvar og þykjast ver Íslendingar.. (við bara ælum yfir þessa gæja))

Stundum og stundum ekki !

Leikfélag Hörgdæla sýnir “Stundum og stundum ekki”.

Viðtökurnar eru bara frábærar, uppselt á allar sýningar og heilsufar leikenda með ágætum.